Regjistrohu 2027FSHU / NJERËZIT PAS FORUMIT
Njihuni me njerëzit që kanë kontribuar në organizimin, zhvillimin dhe vizionin e Forumit Shqiptar të Udhëheqësisë.
01 / EKIPI
Një ekip shërbyesish dhe drejtuesish që bashkojnë përvojën, marrëdhëniet dhe përkushtimin për rritjen e udhëheqësve.
Misionar në Shqipëri që nga viti 1995 dhe bashkëdrejtues i Kishës Ungjillore “Ringjallja dhe Jeta” në Shkodër, I angazhuar në predikim, dishepullim dhe shërbesë me të rinjtë. Përmes European Leadership Forum ka ndihmuar në mentorimin dhe formimin e udhëheqësve shqiptarë.
Pastor në Gjakovë dhe drejtor i Scripture Union Kosova. Ka shërbyer si kryetar i Kishës Protestante Ungjillore të Kosovës, në World Vision dhe në bashkëpunimin ndërinstitucional, dialogun ndërfetar dhe mbrojtjen e fëmijëve. Ka përfunduar studime teologjike në Britaninë e Madhe.
Alesio Sema ka kryer studime në udhëheqje organizative në Oxford Graduate School dhe studime teologjike në Institutin Biblik Shqiptar. Ka shërbyer në shërbesat e fëmijëve, të rinjve dhe studentëve, si dhe në misione jashtë Shqipërisë. Në vitin 2022 filloi shërbesën me kohë të plotë në Bashkësinë e Ungjillizimit të Fëmijëve të Shqipërisë dhe u zgjodh Sekretar i Përgjithshëm i Vëllazërisë Ungjillore të Shqipërisë.
Plak/Pastor në Kishën Ungjillore Vlorë (ungjilloretvlore.al) dhe Bashkëpunëtor i Sekretarit të Përgjithshëm të BSKSH-së (Associate General Secretary). I përkushtuar ndaj dishepullizimit të të rinjve, është themelues i JetaPlus, një shërbesë me kampe dhe programe për brezin e ri. Së bashku me bashkëshorten, Suela Muhameti, ka nisur në kishë shërbesat “Gurë të Gjallë” dhe “Three16 (3/16)”.
Pastor i Kishës Ungjillore Libonik–Maliq dhe i angazhuar në projekte mediatike. Ka trajnuar organizata në fusha të ndryshme, ka shërbyer në këshillin bashkiak dhe në borde organizatash. Ka kryer studime pasuniversitare në udhëheqje organizative.
Drejtues me përvojë në organizata të krishtera në Shqipëri dhe jashtë saj. ish-drejtor kombëtar i Institutit Jeta e Re, ish-president i Vëllazërisë Ungjillore të Shqipërisë dhe drejtues në Fondacionin Ndërkombëtar të Udhëheqësisë. Ka studiuar filozofinë e religjionit dhe antropologjinë sociale.
Pastor i Kishës Ungjillore Emanuel në Tiranë, Sekretar i Përgjithshëm i BSKSH-së dhe Drejtor Ekzekutiv i Fondacionit Wilberforce. Ka studiuar gjuhë-letërsi dhe teologji, dhe është angazhuar në udhëheqje, përkthim, shërbesë studentore dhe iniciativa ndërkombëtare.
02 / MISIONI
FSHU krijon hapësirë për inkurajim, formim, bashkëpunim dhe lidhje mes udhëheqësve të krishterë ungjillorë shqiptarë.
Zbulo historinë e Forumit →BASHKËPUNIM DHE MBËSHTETJE
Organizata që kanë qenë pjesë e bashkëpunimit dhe mbështetjes së Forumit.
